Çiftet e pamartuara u ndëshkuan publikisht në Indonezi

19:13 | 20 Mars 2019
Arbresh.info

Nën akuzën se thyen rregullat fetare, çiftet e pamartuara janë ndëshkuar sot publikisht me fshikullim, në një shesh të Indonezisë.

Turma e njerëzve ishte mbledhur të shihte pesë çifte, që u goditën nga pesë deri në 22 herë me një degë palme, pasi të kenë kryer disa muaj burg, transmeton Telegrafi.

Njësitet e policisë religjioze, i kishin kapur duke u ledhatuar ose teksa mbaheshin për dore, si dhe në një rast duke kryer marrëdhënie intime – të gjitha të ndaluara me ligj, nën regjimin konservator të regjionit Aceh.

Gjatë muajit dhjetor, dy të rinj u goditën nga 100 herë, sepse u zunë duke kryer marrëdhënie intime me dy vajza të mitura.

Fshikullimi në publik, aplikohet edhe për konsumuesit e alkoolit dhe pjesëmarrja në lojëra të fatit, të dyja të ndaluara me ligj.

 

 

Shpërndaje në rrjete sociale

Lajmet më të lexuara

Të ngjashme

Foto lajm